Search Sort Posts:  Oldest to newest Newest to oldest

02-19-2008, 12:20 PM AlMzanber Joined on 03-29-2006 نظرة تفاؤلية Posts 10,355 حكاية محمد .. قصة قصيرة للاطفال هدا ياسيدي ما انتو .. كان يا ماكان في قديم الزمان وسالف العصر والاوان لحتى كان كان في مدرسة بضيعة بعيدة فيها اشكال والوان من التلاميذ والطلاب .. وكان في طالب من هالطلاب اسمو محمد .. أهل محمد كانو على قد حالون فقراء وعلى باب الله ومعترين .. بس قلبون طيب واحلامون كبيرة واخلاقهون عالية وكان محمد طالب شاطر وذكي وكان متميز وحباب .. وبسامح الكل وما بدقق على كل اللي بدايقوه او بيتمسخرو على اواعيه المرقعة او على شنتايتو القديمة.. وكان دائما يقابل المسيئين الو بالابتسامة والمسامحة لحد ما يوم من الايام اجت أنسة جديدة عالصف وكانت من غير ضيعة .. وكانت تكره كل واحد معتر وتعتبرو عالة عالمجتمع وما تصدق انو في حدا معتر ممكن تكون اخلاقه عالية او بسامح المسيء .. وخصوصا اذا كان اسمو محمد بس كانت مجبورة تلتزم بالقوانين العامة للمدرسة وبالتالي ما قدرت تدايق محمد بشكل مباشر.. واكتفت بانو همشته وصارت ما تسالو بالصف وتستناه على غلطة مشان تنقصلو علامات في طالب اسمو جوجو .. عجبه كتير هالحديث .. لأانو اصلا ما بحب محمد ودائما بيسأل حالو انو على شو الناس بتحب هالمعتر الفقير اللي دائما اواعيه بتضحك كان برايو انو لازم الناس كلها تحبو الو لانو هو ابن زلمة غني ومرتب .. وكل سنة بجيب شنتاية جديدة بالضيعة كلها مافي منها مع انو جوجو عندو كتير رفقات بتحبه وهو شخصية مرتبة وظريفة والناس بتتقرب منو عادة .. بس انو داقت عينو على هالكم واحد اللي بحبو محمد وبيحترموه بيوم من الايام نط جوجو لعند الانسة وقلها آنسة هدا محمد سرقلي محايتي .. والانسة كان بدها هيك حجة من الله .. نادتلو لمحمد ونزلت فيه بهدلة وضرب وخصم علامات .. ومحمد يصرخ انو والله ما سرقت شي بس ما حدا بدو يسمع بعد بكم يوم جوجو وقع محايتو تحت طاولة محمد وقلو .. بليز حمودة عطيني المهاية تبعي .. ابتسملو محمد ونزل جبلو اياها وبينما هي بايدو ركد جوجو لعند الانسة  وقلها شايفة بعينك هي محايتي بايدو .. وكمان نزلت الانسة بمحمد ضرب وسلخ وحرمته من الحضور وصارت تقول عن محمد بالمدرسة انو حرامي محايات .. وجوجو كمان ما قصر صار كل ما شاف حدا يبكي ويشكي انو محمد عم يسرقلي محايتي تكرر نفس الموقف بس بغير طريقة اكتر من عشر مرات .. وفجأة محمد لقا حالو مشهور بالمدرسة على انو حرامي محايات .. وصار كل واحد تضيع محايتو يجي يدور عليها عند محمد والشر بعيونو .. طبعا حكي محمد وشرحه ما كان يلاقي اي اذن صاغية لانو بكل بساطة صار بنظر كل المدرسة حرامي محايات تحمل محمد وحاول يبرر حالو ويشرح بس الانسة كانت اقوى منو ..وجوجو كان يتحرك يوم بعد يوم اسرع منو لحد ما اجا يوم واتجه محمد لعند جوجو من صباحية ربنا .. وقلو عطيني محايتك ولاه .. نط جوجو وقلو وشو بدك فيها ؟ ما خلص هالجملة كان محمد سالخو هداك الكف هاررلو نص سنانه ومطيرلو بزرة مخو .. واخد المحاية بالقوة .. وقال للصف من هلق وطالع صار لازم عن جد تديرو بالكون على محاياتكون والف مبروك هي صنعتو بايديكون حرامي محايات من الطراز الاول المزنبر كو ذات مسؤولية محدودة    Report

02-19-2008, 12:26 PM LORAN_ZAZA Joined on 11-20-2005 بدون بيت Posts 8,345 Re: حكاية محمد .. قصة قصيرة للاطفال حلو كتير   الوحدة صعبة يوم تحتاج حدا جنبك    Report

02-19-2008, 01:03 PM mariam_82 Joined on 11-09-2006 عار من الإسم، من الانتماء Posts 843 Re: حكاية محمد .. قصة قصيرة للاطفال بس هيك يا مزنبر صار البطل حسب السيناريو اللي رسمو جوجو يعني ما قدر يخلي شخصيتو الطيبة تطغى على ظلم جوجو مع انو من المفروض انو كان يبين نبل اخلاقو وطيبة قلبو رغم الظلم اللي تعرضلو والاهانات اللي اكلها وهيك ولما صار حرامي محايات بين انو شخصيتو ضعيفة وغير صامدة وشكرا على القصة   لسنا الوحيدين، لكننا الأفضل    Report

02-19-2008, 01:04 PM mbs7 Joined on 11-22-2005 Posts 1,831 Re: حكاية محمد .. قصة قصيرة للاطفال معناها يا أخي الحبيب المزنبر أكبر خطئ عملوا محمد هو ثقتوا بجوجو يعني لو كان عرفان أنو جوجو ولد حقير ما كان رد عليه وجبلوا المحاية كان ألو نزيل انت وجيبها لهيك الآدمي بيومنا الحلي عم بيسموه أجدب بس بئى مو الحل الآدمي يصير أزعر لأ الحل الآدمي يفتح عينو منيح وبلاها السادئانا الزايدة     والله بتعرف شو زنبيرو أنا فتت بالحيط لأني ما عم بعرف شو الحل ؟؟ هلئ أكيد أنو يصير حرامي محايات غلط بتعرف شو خطرلي الحل ألا وهو يترك المدرسة لمدرسة تانية الهجرة يا مزنبر الهجرة ألم تكن أرض الله واسعة ومن يهاجر في سبيل الله يجد سعة بس طبعا قبل الهجرة كان لازم يقوي صلتوا بالتلاميذ ويصير عندوا أصحاب العزوة بتحمي أحيانا لأن إذا خليت خربت   أنت شو رئيك ؟؟؟    Report

02-19-2008, 01:08 PM ishtar Joined on 11-23-2005 Posts 9,059 Re: حكاية محمد .. قصة قصيرة للاطفال  mbs7 wrote:   بس بئى مو الحل الآدمي يصير أزعر لأ الحل الآدمي يفتح عينو منيح وبلاها السادئانا الزايدة     صدقت   وانت بداية روحي وانت الختام    Report

02-19-2008, 01:21 PM u2_byat Joined on 06-03-2006 Posts 2,120 Re: حكاية محمد .. قصة قصيرة للاطفال   مافي فقير طيب و اخلاقو عالية بالمطلق ابو مبضع الجراح    Report

02-19-2008, 03:06 PM ice_mano Joined on 10-02-2006 سوق العتمة Posts 4,484 Re: حكاية محمد .. قصة قصيرة للاطفال  ishtar wrote: صدقت  AlMzanber wrote: ما خلص هالجملة كان محمد سالخو هداك الكف هاررلو نص سنانه ومطيرلو بزرة مخو .. واخد المحاية بالقوة .. وقال للصف من هلق وطالع صار لازم عن جد تديرو بالكون على محاياتكون على مبدا العلة النسة بدا انجس هي اذا محمد عندو القدرة لينزل لمستوى جوجو واذا ترباية المنزلية لمحمد ما بتسمحلو يرد على جوجو ..يتركو اولاواخير الاجتماعية ما بتعطي شهادات والطلاب الكترونيين i!i!i!i!i!i!    Report

02-19-2008, 03:45 PM AlMzanber Joined on 03-29-2006 نظرة تفاؤلية Posts 10,355 Re: حكاية محمد .. قصة قصيرة للاطفال حيووووووووو جميعا بس انو في شغلة صغيرة ( من وجهة نظري ) يمكن الاغلبية ما انتبهولها .. واذا في حدا انتبهلها فممكن يكون ايس مانو المهم بغض النظر عن التعاطف مع محمد .. وهل الظلم اللي تعرضلو ببرر انو يصير حرامي محايات او لا .. شنو هون التعاطف نسبي متل ما شفنا بس انو اللي ما حدا انتبهلو هو انو محمد مو بس صار حرامي محايات .. هو صار أسوأ بكتير من هيك .. صار شخص عنيف يعني صار عم يسطو عالبشر مو انو حرامي بسل المحاية وبيهرب .. والهدف من الشي اللي عم يعملو محمد ما عم يكون  المحاية اصلا وصلت ؟   المزنبر كو ذات مسؤولية محدودة    Report

02-19-2008, 04:01 PM AlMzanber Joined on 03-29-2006 نظرة تفاؤلية Posts 10,355 Re: حكاية محمد .. قصة قصيرة للاطفال  mariam_82 wrote: بس هيك يا مزنبر صار البطل حسب السيناريو اللي رسمو جوجو يعني ما قدر يخلي شخصيتو الطيبة تطغى على ظلم جوجو مع انو من المفروض انو كان يبين نبل اخلاقو وطيبة قلبو رغم الظلم اللي تعرضلو والاهانات اللي اكلها وهيك ولما صار حرامي محايات بين انو شخصيتو ضعيفة وغير صامدة وشكرا على القصة   اول شي على راسي لوران تاني شي مريم كمان على راسي .. بس انو هي شغلة انو الحب بينتصر بالنهاية وانو لازم يضل الواحد رايق طول الوقت انا ما بقا اقتنعت فيها كتير يعني ممكن تكون نهاية سعيدة بفيلم هندي او لموضوع ايس مانو تبع الارنب والزرافة .. غير هيك اسمو علاك اما كون شخضيتو ضعيفة .. فانا بختلف تماما مع هالراي .. بالعكس مني منو من اول مرة كان لازم يسلخو هالكف لجوجو واذا ما خربت ما بتعمر المزنبر كو ذات مسؤولية محدودة    Report

02-19-2008, 04:07 PM AlMzanber Joined on 03-29-2006 نظرة تفاؤلية Posts 10,355 Re: حكاية محمد .. قصة قصيرة للاطفال  mbs7 wrote: معناها يا أخي الحبيب المزنبر أكبر خطئ عملوا محمد هو ثقتوا بجوجو يعني لو كان عرفان أنو جوجو ولد حقير ما كان رد عليه وجبلوا المحاية كان ألو نزيل انت وجيبها والله بتعرف شو زنبيرو أنا فتت بالحيط لأني ما عم بعرف شو الحل ؟؟ هلئ أكيد أنو يصير حرامي محايات غلط بتعرف شو خطرلي الحل ألا وهو يترك المدرسة لمدرسة تانية الهجرة يا مزنبر الهجرة ألم تكن أرض الله واسعة ومن يهاجر في سبيل الله يجد سعة بس طبعا قبل الهجرة كان لازم يقوي صلتوا بالتلاميذ ويصير عندوا أصحاب العزوة بتحمي أحيانا لأن إذا خليت خربت   أنت شو رئيك ؟؟؟ والله انا رايي انو الله حيووو ابو حميد الوحش.. هي بصراحة يعين الزلمة اللي فيه مكفيه .. وبالاخير بيجي كل من هب ودب عليه .. والانسة اللي المفروض تكون رمز العدالة بالصف ما بتجي غير ضده فانا بصراحة ما بلومو وحلال عليه .. وبالنسبة للهجرة فهو اكيد حل مناسب .. بشرط انو يكون الاخير يعني هو حاول بالبداية يحكي بالزوق .. قام ما حدا سمعو ولا صدقو .. سكت شوي .. صارو يزيدو البلا عليه ايه اخر شي ما ضل غير يقول اسعولي لشوف .. شو كم مرة رح عيش انا ؟ ويلا..  اما حياة تسر الصديق واما ممات يغيظ العدا انا هيك رايي ما بزل عليك بحرف المزنبر كو ذات مسؤولية محدودة    Report

02-19-2008, 04:10 PM AlMzanber Joined on 03-29-2006 نظرة تفاؤلية Posts 10,355 Re: حكاية محمد .. قصة قصيرة للاطفال  u2_byat wrote:   مافي فقير طيب و اخلاقو عالية بالمطلق كلمة (بالمطلق) تعود على الفقير ولا الاخلاق ؟ يعني قصدك تقول .. مافي ابدا ولافقير اخلاقه عالية ولا قصدك : انو لا يمكن يكون الشخص فقير وبنفس اخلاقه عاليه لدرجة كبيرة المطلق؟ جد عم اسال المزنبر كو ذات مسؤولية محدودة    Report

02-19-2008, 04:14 PM AlMzanber Joined on 03-29-2006 نظرة تفاؤلية Posts 10,355 Re: حكاية محمد .. قصة قصيرة للاطفال  ice_mano wrote:  ishtar wrote:  AlMzanber wrote: يتركو اولاواخير الاجتماعية ما بتعطي شهادات والطلاب الكترونيين اول شي المثل هو المرض الخبيث بدو الدوا النجس تاني شي الجملة اعلاه حاولت اقراها حتى بالعكس ما زبطت المزنبر كو ذات مسؤولية محدودة    Report

02-19-2008, 04:24 PM more Joined on 08-15-2006 Posts 1,590 Re: حكاية محمد .. قصة قصيرة للاطفال محمد فاشل وشخصيتو ضعيفة والاخلاق العالية اللي ربوه عليها اهلو مافادتو ولا بفرنكين اهلين مزنبر وين هالغيبة    Report

02-19-2008, 04:28 PM u2_byat Joined on 06-03-2006 Posts 2,120 Re: حكاية محمد .. قصة قصيرة للاطفال  AlMzanber wrote:  u2_byat wrote:   مافي فقير طيب و اخلاقو عالية بالمطلق كلمة (بالمطلق) تعود على الفقير ولا الاخلاق ؟ المطلق تعود على الاخلاق و الا كان من الاجدر القول بالمطلق ما في فقير طيب و اخلاقو عالية ابو مبضع الجراح    Report

02-19-2008, 04:34 PM ice_mano Joined on 10-02-2006 سوق العتمة Posts 4,484 Re: حكاية محمد .. قصة قصيرة للاطفال  AlMzanber wrote: .. واذا في حدا انتبهلها فممكن يكون ايس مانو بعرف انو كنت بدك تقول واذا في حدا انتبهلها فهو ايس مانو بس الله يلعن التعديل ما علينا معك انا انا بتوقع بالجزء التالت لباب الحارة انو صاحبنا كرمو يصير كبير و يلم كم ازعر حوليه ويصرلو شلة ومسيحة جوخ المفروض يصير هيك بي اس ..كرموالاسم المستعار لمحمد بعد ما يغير نظرتوللحياة شو مشان الارنب والزرافة i!i!i!i!i!i!    Report

02-19-2008, 04:34 PM AlMzanber Joined on 03-29-2006 نظرة تفاؤلية Posts 10,355 Re: حكاية محمد .. قصة قصيرة للاطفال  more wrote: محمد فاشل وشخصيتو ضعيفة والاخلاق العالية اللي ربوه عليها اهلو مافادتو ولا بفرنكين اهلين مزنبر وين هالغيبة لا اختي .. محمد زلمة ما في منو .. انا اللي كتبت القصة وانا بعرفو اكتر منكون للزلمة يا اهلا فيكي مور خانم .. انا بخير بس كنت معجوق شوي بالشغل ولذلك ارتأيت انو اعتزل الحياة الالكترونية لهنيهة من الزمن انو انتي شو الاخبار من عندكون بالطرف التاني من النهر؟ المزنبر كو ذات مسؤولية محدودة    Report

02-19-2008, 04:39 PM AlMzanber Joined on 03-29-2006 نظرة تفاؤلية Posts 10,355 Re: حكاية محمد .. قصة قصيرة للاطفال  u2_byat wrote:  AlMzanber wrote:  u2_byat wrote:   مافي فقير طيب و اخلاقو عالية بالمطلق كلمة (بالمطلق) تعود على الفقير ولا الاخلاق ؟ المطلق تعود على الاخلاق و الا كان من الاجدر القول بالمطلق ما في فقير طيب و اخلاقو عالية هلق اللي كان عندو اي شك بانك كنت تقرض الشعر لشبعان ..فرح  يتأكد تماما انو غلطان ما علينا الفكرة حتى لو شلنا كلمة (فقير) وحطينا (غني) فرح تزبط جملتك بتخيل المعنى مربوط بالجنس البشري يعني ما حدا كامل .. بس حتى اللي عندو  اخلاق فاضلة وحميدة .. ممكن بلحظة معينة انو يطلع عن دينو واخلاقه .. وفي حالات اخرى ممكن ممكن هاللحظة المعينة تمد بقية العمر المزنبر كو ذات مسؤولية محدودة    Report

02-19-2008, 04:40 PM ice_mano Joined on 10-02-2006 سوق العتمة Posts 4,484 Re: حكاية محمد .. قصة قصيرة للاطفال  AlMzanber wrote:  ice_mano wrote:  ishtar wrote:  AlMzanber wrote: تاني شي الجملة اعلاه حاولت اقراها حتى بالعكس ما زبطت اول الشي ضربنا عصفورين بحجر ردينا عليك وحاولت وضح شغلة لعشتار شبنا ولو ما بعرفك هيك   i!i!i!i!i!i!    Report

02-19-2008, 04:42 PM more Joined on 08-15-2006 Posts 1,590 Re: حكاية محمد .. قصة قصيرة للاطفال ça va بنرجع لمحمد يعني كان في قدامو اكتر من حل لهالمشكلة اللي صارت معو مو انو هيك ببساطة ينتزع ويصير حرامي ,, وهون بنوصل لنقطة مهمة كتير انتى كنت لجانبها بهالقصة ,, انو المحيط قادر يعمل مجرم من انسان بالاصل اخلاقو عالية انا ماني مع هالفكرة واللي المجتمع بيقدر ياثر فيه لهلدرجة السلبية الكبيرة بيكون ضعيف الشخصية     Report

02-19-2008, 04:51 PM AlMzanber Joined on 03-29-2006 نظرة تفاؤلية Posts 10,355 Re: حكاية محمد .. قصة قصيرة للاطفال  ice_mano wrote:  AlMzanber wrote: بعرف انو كنت بدك تقول واذا في حدا انتبهلها فهو ايس مانو بس الله يلعن التعديل ما علينا معك انا انا بتوقع بالجزء التالت لباب الحارة انو صاحبنا كرمو يصير كبير و يلم كم ازعر حوليه ويصرلو شلة ومسيحة جوخ المفروض يصير هيك بي اس ..كرموالاسم المستعار لمحمد بعد ما يغير نظرتوللحياة شو مشان الارنب والزرافة رح بلش من بعد ما علينا على فكرة انا كنت ناوي كمل القصة لبعد وكان رح يصير بمحمد متل ما قلت انت عن كرمو .. يعني نهاية طبيعية بس الحق على مين؟؟ المهم اني فضلت خليها هيك.. يعني ممكن نعتبرها ردة فعل لمرة وحدة من محمد نتيجة الضغط والظلم ولا رح تقللي ما بتزبط ؟؟ ومشان الارنب والزرافة ايدي على راسك تقللي مو شي بيجعز ؟ المزنبر كو ذات مسؤولية محدودة    Report

02-19-2008, 04:56 PM ice_mano Joined on 10-02-2006 سوق العتمة Posts 4,484 Re: حكاية محمد .. قصة قصيرة للاطفال