Search Sort Posts:  Oldest to newest Newest to oldest

07-23-2008, 07:34 PM ra2ed_alhag_othman Joined on 03-28-2006 Posts 377 إن حياتك وقفة عز كنت ممن تشرفت اليوم بالخروج لإستقبال رفات شهدائنا وأبطالنا..... عندما مرّ موكبهم من أمامي لم أستطع إلا أن أرفع علمي فوق رؤوسهم..........ليمروا من تحته....فكما نراهم هم في جبروتهم وعليائهم يرون..... العزّ كان حاضراً....وإحساسي بإنتمائي كان قوياً ....ولم يدغدغني هذا الإحساس منذ تشرفت بحضور تحرير الجنوب.... لم يعودوا أرقاماً كما أتوا أول مرة.....بل على كل نعش من نعوشهم الطاهرة....كان الأسم يجلي صرخات الحالمين بعالم خالي من الشهادة ومطبّع مع العدو القديم الجديد... هم ينتمون إلى زمن الشهادة الجميل.... حيث كان لا يوجد لبسٍ في الدم ولا في التراب.... بحضور الشهادة.........تصغر الدنيا جميعها..... لا أعرف تحديد الشعور.... ولكن أنت تعرف قصصهم وكأنهم طائر الفينيق أو من أساطير البطولة....وهكذا فجأة تقف أمامهم وجه لوجه....وعيناً لعين... إحساس بضآلة هذا الكون ينتابك....وأنهم كانوا أكبر من أن يكملوا حياتهم كما نعيش حياتنا بترفها وتعبها اليومي... وإحساس أن الشعب واحد والدم واحد.....ورغم كل ما يحبك في السر وفي العلن....تبقى الأرض واحدة... وقفت كثيراً أمام جثمان الشهيد العراقي لا أعرف لماذا..... ولكن هل يوجد اليوم في العراق من يقدر قيمته....؟؟؟؟ joud2060@hotmail.com joudalkalam    Report

07-23-2008, 11:03 PM fayaaa Joined on 02-16-2008 سوريا Posts 1,224 Re: إن حياتك وقفة عز فعلا .. أحيانا الحياة بتتلخص بوقفة عز وقفها الانسان بكل جزء من روحه و بهالصفاوة هي جمع الزمان فكان يوم لقاك    Report

07-24-2008, 01:34 AM Kefakinta Joined on 01-15-2007 Posts 174 Re: إن حياتك وقفة عز وحياة اللي راحوا واللي صاروا الحنين وحياتِك يا أرضي ويا تاريخي الحزين يا رفيقي اللي استشهد يا شعبي اللي تشرّد رح نرجع نتلاقى رح نرجع نتوحّد    وعد عليّ يا شعبي السجين     When you knew that it was over Were you suddenly aware That the autumn leaves were turning To the colour of her hair ?...    Report

07-24-2008, 02:48 AM LORAN_ZAZA Joined on 11-20-2005 ON HAND Posts 7,707 Re: إن حياتك وقفة عز اعلامنا الغبي مذيعي التلفزيون السوري الاغبياء مراسلينا الجاهلين بشو بدنا ننعت هالجسم الاعلامي المريض اللي عنا لافرح بيعرفو يغطو و لا حزن تعابيرون اليوم و هنن عم ينئلو الصورة كانت تافهة و غبية لابعد حد مجرد سرد خبر او نشرة من ورئة مكتوبة كل ما يعملو اتصال مع شخص ليتحدث عن الجو العام اليوم بيجاوب المذيع الغبي على السؤال اللي هوي طرحو و بس يجي الضيف ليجاوب بيئاطعو الدب اللي مفكر حالو مذيع عذرا على المقاطعة لضيق الوقت لك يا دب خلي الضيف يحكي..ما كلو صف حكي ............. دخلكون...ئديش بيطلع عدد الاشخاص اللي بيعرفو ئصة من ئصص هالشهداء؟ لولا هالحركة اللي عملا حزب الله و هالانجاز الكبير كنا درينا بهدول الشهداء؟؟ وين اعلامنا الغبي ؟ و للا هالاشخاص ما بيستاهلو ينذكرو بالاسم؟ اسرائيل العدو و اللي مالو اي حئ بارضنا و اللي كذب الكذبة و العالم كلو غصبن عنو لازم يسدئا ئصة المحرقة ...كل سنة بالذكرة المزعومة للمحرقة بيعدو اسماء اليهود اللي على اساس ماتو فيها نحنا لاء.. ما بيهمنا الامر منوب بس لولا العيب و الحيا ماكان اعلامنا ذكر هالشهدا هدول   النهفة اليوم و انا عم ئلب بالتلفزيون حطيت عالفضائية السورية شوي المذيع (" نضال زغبور) بيسال مراسلة للتلفزيون السوري بقرية من طرطوس يمكن عم تحكي عن شهيد وصل جثمانو للقرية اليوم و عم تمجد و تحكي و تحكي .. بيؤوم نضال بيئللا عطينا حدا من اهل الشهيد نحكي معو بتئللو ..اهل الشهيد و ئرايبينو مشغولين بالدفن حاليا لك يئطع عمرون هنن و هالنئل المشرشح لهيك حدث مهم و عظيم بمعانيه لك  يمكن المذيعة ئاعدة ببيتا و بس عم تصف حكي  مكتوب منو شي كزا نسخة و موزعة عالمذيعن و المراسلين المفترضين للتلفزيون السوري     و النهفة الاكبر : انو ينمكن لسا جثمان الشهيد ما وصل بعد عالقرية لانو من عشر دئايئ بس كان النقل المباشر لوصول  قافلة الشهداء لنقطة الحدود السورية اللبنانية YERSIZ YURTSUZ    Report

07-24-2008, 02:54 AM ishtar Joined on 11-23-2005 Posts 8,403 Re: إن حياتك وقفة عز من شوي استقبلنا شهيد وبعد كم ساعة رح نكرمو وندفنو وانت بداية روحي وانت الختام    Report

07-24-2008, 08:50 AM syrian_blood Joined on 05-12-2008 Posts 643 Re: إن حياتك وقفة عز  ishtar wrote: من شوي استقبلنا شهيد وبعد كم ساعة رح نكرمو وندفنو أنشالله ألف مبروك يا عشتار..نيالك.. و عقبال عنا (أو عندي لحالي اذا ماحدا ناوي يستشهد) يا روح    Report

07-24-2008, 11:37 AM AXIS Joined on 06-28-2008 Damascus - Syria Posts 1,475 Re: إن حياتك وقفة عز المقاومة الوطتية اللبنانية أعادت مع جثامين الشهداء الكرامة للعرب بعد أن فقدوها طويلا مبارك علينا و على الجميع وجود مقاومة كحزب الله و قائد كنصر الله ليك أنا ما بعطيك رأي ,أنا بفرض رأيي    Report

07-25-2008, 12:02 AM AlMzanber Joined on 03-29-2006 عودة المقاتل الشرس Posts 9,816 Re: إن حياتك وقفة عز ياجماعة الخير .. عن جد ياخيبة املي فيكون .. وين التطور وين الحضارة وين الانسانية وين التقدم وين الحيادية ؟؟ قبل ما تحتفلو بهالشهداء مو لازم تعرفو شو عاملين ؟؟ بركي هالشهداء قاتلين اطفال ؟؟ او بركي قاتلين رجل عجوز ؟؟ او حتى شب .. يعني ليش اذا مات طفل منزعل واذا شب منقول عادي ؟؟ يعني هدول اذا طلعو قاتلين هيك شي .. فانتو حاليا عم تكرمو مجرمين قتلة بعدين حتى لو مو قالتلين حدا .. بجوز يكونو مخالفين احد بنود معاهدة جنيف مثلا .. او خارقين بنود اي معاهدة عاملها العالم الغربي المتحضر بتمنى من الجميع انو ما تاخدو العواطف .. ولازم نكون حياديين وحضاريين .. ونتعامل مع الحقائق كحقائق ..والاهم لازم نعيد كتابة التاريخ مشان نطلع ابطالنا وشهدائنا عبارة عن حفنة من المجرمين .. ولبيكي بلاد العم سام ــــــــــــــــــــــــــــــــــــــــــــــــــــــــــــــــــــــــــــــــــــــ يسلمو رائد على هالموضوع .. وشكرا لحزب الله اللي عطانا سبب لنرفع راسنا ونحس انو لسة في كرامة وانو في ناس لسة ما باعت قضاياها وعم تقاوم على الارض والله ينصرهون على الخونة قبل ما ينصرهون على العدو متحلي بالصبر    Report

07-25-2008, 12:06 AM ishtar Joined on 11-23-2005 Posts 8,403 Re: إن حياتك وقفة عز  AlMzanber wrote:   يعني هدول اذا طلعو قاتلين هيك شي .. فانتو حاليا عم تكرمو مجرمين قتلة بعدين حتى لو مو قالتلين حدا .. بجوز يكونو مخالفين احد بنود معاهدة جنيف مثلا .. او خارقين بنود اي معاهدة عاملها العالم الغربي المتحضر بتمنى من الجميع انو ما تاخدو العواطف .. ولازم نكون حياديين وحضاريين .. ونتعامل مع الحقائق كحقائق ..والاهم لازم نعيد كتابة التاريخ مشان نطلع ابطالنا وشهدائنا عبارة عن حفنة من المجرمين .. ولبيكي بلاد العم سام   وليييييييييي...شو عقوبتا هي مزنبر؟؟ يبعتلي حمى لا نروح فييا وانت بداية روحي وانت الختام    Report

07-25-2008, 12:06 AM syrian_blood Joined on 05-12-2008 Posts 643 Re: إن حياتك وقفة عز  AlMzanber wrote: يسلمو رائد على هالموضوع .. وشكرا لحزب الله اللي عطانا سبب لنرفع راسنا ونحس انو لسة في كرامة وانو في ناس لسة ما باعت قضاياها وعم تقاوم على الارض والله ينصرهون على الخونة قبل ما ينصرهون على العدو تجي تستشهد معي وللا مالك كفو و بس شاطر تطج حكي يا روح    Report

07-25-2008, 12:09 AM ishtar Joined on 11-23-2005 Posts 8,403 Re: إن حياتك وقفة عز  syrian_blood wrote:  AlMzanber wrote: يسلمو رائد على هالموضوع .. وشكرا لحزب الله اللي عطانا سبب لنرفع راسنا ونحس انو لسة في كرامة وانو في ناس لسة ما باعت قضاياها وعم تقاوم على الارض والله ينصرهون على الخونة قبل ما ينصرهون على العدو تجي تستشهد معي وللا مالك كفو و بس شاطر تطج حكي لك استني شوي..لسا مااتعرفنا منيح وانت بداية روحي وانت الختام    Report

07-25-2008, 12:11 AM AlMzanber Joined on 03-29-2006 عودة المقاتل الشرس Posts 9,816 Re: إن حياتك وقفة عز  syrian_blood wrote:  AlMzanber wrote: يسلمو رائد على هالموضوع .. وشكرا لحزب الله اللي عطانا سبب لنرفع راسنا ونحس انو لسة في كرامة وانو في ناس لسة ما باعت قضاياها وعم تقاوم على الارض والله ينصرهون على الخونة قبل ما ينصرهون على العدو تجي تستشهد معي وللا مالك كفو و بس شاطر تطج حكي يلا هاه .. انت اسبقيني .. انا رح دك هالبوط ولاحقك يعني اسبقيني ولا تقولي غير ليكو المزنبر اجا متحلي بالصبر    Report

07-25-2008, 12:13 AM LOGO Joined on 11-19-2005 مردة يسحقون حشرات القوات Posts 19,700 Re: إن حياتك وقفة عز احتفال في مسجد علي بن ابي طالب في براس بمناسبة عملية الرضوان .... المشاركين طبعا حزب الله وحركة امل وتيار المردة والوطني الحر ... الى جانب حضور رمزي للاخوة السنة مو انو والله عمثير الفتنة بس حبينا ننقل الوقائع 1+1=2 كذب ونفاق من يقول    Report

07-25-2008, 12:31 AM LORAN_ZAZA Joined on 11-20-2005 ON HAND Posts 7,707 Re: إن حياتك وقفة عز ليبيا شيعت اليوم 3 شهداء من اللي وصل جثمانون من سوريا الى طرابلس الغرب YERSIZ YURTSUZ    Report

07-25-2008, 06:48 AM Moqawama Joined on 05-14-2008 Posts 627 Re: إن حياتك وقفة عز دمتم فخرا وعزا للمقاومة يا إخوة العرب رائد الحاج عثمان ، هنيئا لك ولمن كانوا في استقبال الشهداء الأبطال فايا ، لوران ظاظا ، كيفاكينتا ، لوغو ، عشتار ، أكسيس ، المزنبر ، الدم السوري كلماتكم أوسمة عز وفخار على صدر المقاومة ولا عزاء لمن سيرتفع ضغط دمهم من شدة الغيظ الآن أعني سكرات العوري وذيله كحشو    Report

07-25-2008, 09:52 AM LORAN_ZAZA Joined on 11-20-2005 ON HAND Posts 7,707 Re: إن حياتك وقفة عز  Moqawama wrote: ولا عزاء لمن سيرتفع ضغط دمهم من شدة الغيظ الآن أعني سكرات العوري وذيله كحشو اول شئ شكرا عالكلمات الاولى بردك اخي ما دخلت انا بكل الجدل اللي صار بينتاتكون مع سقراط بالمواضيع السابقة بس رح احكي رايي بما اني شفتك اونلاين.. ما بعرف شو عم تئصد فيها كلمة العوري ياللي عم تجي بعد كلمة سقراط بس انت بديت بخط  معين اول ما شاركت و حملت اسم المقاومة بس ما بظن من ادبيات المقاومة الشتائم و ما شفت بكل الاحداث اللي صارت بلبنان ضد المقاومة ردة فعل من المقاومة بالسب و الشتم ممكن كانوا يردو بس باسلوب ذكي مو بالسب او الشتائم المهم هلأ النقد ضد السيد سقراط عم يكون انو عميل و طائفي و بيستغل احداث معينة و بينزل مواضيع طائفية او ضد افكارنا و يمكن نحس انها ضد البلد بهالوئت بالذات طيب لنحكي عن الطائفية: هلأ انت يمكن ادرى شو بتعني الطائفية هلأ اذا ما بنعترف انو في طائفية ببلادنا بنكون عم نكذب على بعض يعني مو بوست او مية بوست او الف بوست مني او منك او من سقراط او غيرو رح ينشرو الطائفية عن طريق النت مواقع الطائفيين معبية النت شي ضد الاسلام و شي ضد المسيحية و شي ضد الطوائف من هون او هون و حتى بين المذاهب الاسلامية بين بعضا البعض..يعني هلأ فينا ننكر الكره اللي اتأصل ببحرب العراق بين السنة و الشيعة؟ اكيد لاء.. طبعا للاسف هيك صار الوضع عالارض مو عالنت بس.. يعني مو مقال او الف مقال هون رح يثير الطائفية الاكيد انو كلنا بنتمنى انو نخلص منها و انشا الله هيك بيصير عن الوطنية و العمالة و ال .. انا مثلا مع المقاومة و مع تحرير الاسرى و مع عدم المس مثلا بكرامة اي بلد عربي او اسلامي و ما بيهون عليي ينسب بلدي سوريا مثلا .. بس هادا ما بيعني اني  ما احكي عن الفساد و الرشوة و السرئة بالبلد مو اذا حكيت عن هالوجه الاخر اللي موجود ببلدي فهادا بيعني اني عميل و ضد البلد بكل شي بهالدنية في وجه ابيض و وجه اسود مارح نوصل للمدينة الفاضلة اللي كل واحد بيشوفا متل ما هويي بيحب هيك الدنية فيها اختلاف بالثقافات و الاراء و التوجهات.. هلأ بنرجع للموضوع سقراط من ناحية الحديث عن الفساد و المحسوبيات هون و هون بظن انو ماعم يجيب شي من خارج الواقع يمكن البعض بيشوف بالعناوين او التعليقات اللي بيحطا انها استفزازية و هيك انا بحس بكتير تعليقات الو  او عناوين بس بنطلع بالمحصلة بشكل عام عاللي بيجيبو و بيلزءو هون في كتير للاسف من واقعنا ما نكذب على بعض هلأ الغاية من بعد كل هاللت و العجن فينا نئبل راي تاني  مختلف عن راينا ..او لاء بس مافي داعي للاخد و العطا كتير و لانو كتر الجدل يمكن يجي تعليق من هون او هنيك يجي بعدا مسبات و شتايم مارح تفيد بشي لا الي و لا الك و لا لغيرنا يمكن يكون الرد على شتيمة مثلا بموضوع او كلمة ..بعيد عن شتيمة مقابلة للشتيمة في كتير حكي ممكن ينحكا و بيطول كتير ..بس انشا الله  تكون وصلت فكرتي لانو من زمان هادا حال المنتدى هون صعب انو نغير شي بالسب  من هالطرف او هداك الطرف فينا نرد على فكرة ما بتعجبنا باسلوب كويس و حتى لو اجت مسبة ممكن جدا ما نرد عليها بمسبة فينا نوصل اللي بنفكر فيه بموضوع مقابل موضوع ما بيتفئ مع افكارنا او رؤيتنا يا ريت تئبل كلامي بصدر رحب .. و بنرجع لموضوع رائد و نؤول الله يرحم هالشهدا اللي اليوم شفنا كل ضيعة او قرية من الشمال او من الجنوب عم تستئبل رفات شهيد بعد سنين من شهادتون ليرجعو يكونو بين اهلون و احبابون و بارضون اللي طلعو منها سلام للجميع YERSIZ YURTSUZ    Report

07-25-2008, 09:46 PM ApeX Joined on 12-21-2007 ع هدير البوسطة Posts 1,212 Re: إن حياتك وقفة عز  ra2ed_alhag_othman wrote: كنت ممن تشرفت اليوم بالخروج لإستقبال رفات شهدائنا وأبطالنا..... عندما مرّ موكبهم من أمامي لم أستطع إلا أن أرفع علمي فوق رؤوسهم..........ليمروا من تحته....فكما نراهم هم في جبروتهم وعليائهم يرون..... العزّ كان حاضراً....وإحساسي بإنتمائي كان قوياً ....ولم يدغدغني هذا الإحساس منذ تشرفت بحضور تحرير الجنوب.... لم يعودوا أرقاماً كما أتوا أول مرة.....بل على كل نعش من نعوشهم الطاهرة....كان الأسم يجلي صرخات الحالمين بعالم خالي من الشهادة ومطبّع مع العدو القديم الجديد... هم ينتمون إلى زمن الشهادة الجميل.... حيث كان لا يوجد لبسٍ في الدم ولا في التراب.... بحضور الشهادة.........تصغر الدنيا جميعها..... لا أعرف تحديد الشعور.... ولكن أنت تعرف قصصهم وكأنهم طائر الفينيق أو من أساطير البطولة....وهكذا فجأة تقف أمامهم وجه لوجه....وعيناً لعين... إحساس بضآلة هذا الكون ينتابك....وأنهم كانوا أكبر من أن يكملوا حياتهم كما نعيش حياتنا بترفها وتعبها اليومي... وإحساس أن الشعب واحد والدم واحد.....ورغم كل ما يحبك في السر وفي العلن....تبقى الأرض واحدة... وقفت كثيراً أمام جثمان الشهيد العراقي لا أعرف لماذا..... ولكن هل يوجد اليوم في العراق من يقدر قيمته....؟؟؟؟ تنوع طوائف وجنسيات الشهداء أمر فعلا بيرفع الراس , بيخلينا نقول يمكن لسا في ضو بآخر النفق   سألت شجرة اللوز عن الله ... فأزهرت    Report

07-26-2008, 12:34 AM Moqawama Joined on 05-14-2008 Posts 627 Re: إن حياتك وقفة عز مع احترامي لك لوران ظاظا فلا داعي لكل تلك الخطبة العصماء في مشاركتك السابقة وأنت بنفسك كنت تقرأ السفيه بسام الخوري وهو يناديني بـ (الحمار مكاومة) من خلال تغيير بعض الحروف ولكن لأن للصبر حدود أحيانا ، قررت أن أرد بأقل من المثل: أي بتغيير كلمة سقراط الخوري لتصبح سكرات العوري ، نسبة إلى عوار العينين ومثل هذا الموضوع الذي طرحه الأستاذ رائد الحاج عثمان يؤكد بما لا يدع مجالا للشك أن الخير ما زال موجودا في رجال اليوم وفي نفس الوقت فهذا الموضوع سيصيب سكرات العوري بالفتق إن لم يكن ارتفع ضغط دمه    Report

Souriaty Club » غرف المناقشة با... » غرفة سوريا الاج... » Re: إن حياتك وقفة عز

(please select) Discussion Rooms Home |- Search Discussion Rooms |- Active Topics |- Unanswered Posts User Options |- Sign In |- Join Souriaty Club - الاشتراك في نادي سوريتي |- Forgot Password غرف المناقشة باللغة العربية |- غرفة سوريا الاقتصادية |- غرفة سوريا الاجتماعية |- غرفة سوريا الثقافية |- غرفة سوريا للتعارف English Discussion Rooms |- Souria's Social Room |- Souria's Meeting Room غرف خاصة |- مختارات من مواضيع غرف المناقشة القديمة