على مبدأ فيلم خرج و فيلم ما خرج
شو رأيكن يكون الموضوع .. كتاب خرج و كتاب (حسب رأيك )ما خرج
يعني بجوز فينك تحكي عليه شوي للكتاب بس مو أنو تحكي قصتو .. لأنو هيك حتى لو كان حلو بصير بشع
يعني مين الكاتب .. شو أكتر شي عجبك فيه .. الكتاب رواية أم تاريخي أم سياسي
أم بيجمع أكتر من شغلة
و كم بتتحطلو من عشرة
الصراحة استغربت ليش ما حاطين هيك موضوع من زمان هون
fayaaa wrote: الصراحة استغربت ليش ما حاطين هيك موضوع من زمان هون
في هيك موضوع فايا
ببقى بدورلك عليه
بس الفكرة حلوة ..يسلموا...راح نحاول
طيب رح بلش أنا
اممممم .. آخر كتاب قريتو كان اسمو حاج كومبوستيلا
الكاتب باولو كويلو
اجاني هدية مو أنو توصاية و سمعت عنو
هاد الكتاب أنا شفتو عكس معظم الكتب بشغلة .. أنو النص الأول منو أحلى من النص التاني
أول 150 صفحة حلوة و فيها بعض الأفكار يلي عجبتني
يعني عالأغلب بداية الكتب بتحاول تمرقها لحتى تستمتع بالكتاب إلا هاد بالعكس
متل كتاب شيفرة دافنشي مثلا .. أولته بتفوت بمليون حيط
ما علينا
المهم أنو الكتاب ما شبو شي و بينقرا بقعدتين
ishtar wrote: fayaaa wrote: الصراحة استغربت ليش ما حاطين هيك موضوع من زمان هون في هيك موضوع فايا ببقى بدورلك عليه بس الفكرة حلوة ..يسلموا...راح نحاول
اي والله ياريت تنكشيلي ياه .. منتفرج عليه
fayaaa wrote: ishtar wrote: fayaaa wrote: الصراحة استغربت ليش ما حاطين هيك موضوع من زمان هون في هيك موضوع فايا ببقى بدورلك عليه بس الفكرة حلوة ..يسلموا...راح نحاول اي والله ياريت تنكشيلي ياه .. منتفرج عليه
شو صار مشان النكاشة عشتار؟
عندي صيفية (طويلة) بدي اعبيها بكم كتاب من هلأ أحسن ما اضل بوشك عالنت
anas262 wrote: شو صار مشان النكاشة عشتار؟ عندي صيفية (طويلة) بدي اعبيها بكم كتاب من هلأ أحسن ما اضل بوشك عالنت
قاسم و المزرعة
يا جماعة الخير .. كل شي مر عالموضوع
مشكورين عالمرور ............... بس
كنتو اكتبو شي مفيد للموضوع انتو و مارقين
وش حردان
http://souria.com/club/forums/1193993/ShowPost.aspx
صرلي قريب الشهرين كل ما بلشت بكتاب ما بوصل للصفحة عشرين بكون زتيتو من ايدي وبلشت بواحد جديد
بس يوقع تحت ايدي شي بيبيض الوش ببقى بقلك
بي اس: كيف صار انفك؟
PureHeart wrote:
هاد بعرفو و شاركت فيه كمان
هداك كان مشان كتاب لرحلة
بدنا هون كل عضو ينقل تجرتو الخاصة مع الكتب
و إذا كان فيه حدا عندو رأي مخالف عن كتاب معين يقولو
يعني حلقات اذا بدك
هلا هاد يلي قصدك كان عليه يا عشتار؟؟
ما بعتقد...
anas262 wrote: صرلي قريب الشهرين كل ما بلشت بكتاب ما بوصل للصفحة عشرين بكون زتيتو من ايدي وبلشت بواحد جديد بس يوقع تحت ايدي شي بيبيض الوش ببقى بقلك على فكرة أهم شي.. أنو ما ضروري يكون الكتب ببيض الوش يعني ممكن يكون سيء برأيك يعني ما رح نقيمك هون من ورا طبيعة الكتب يلي بتقراها أنا عن نفسي أي كتاب بيطلع تحت ايدي .. ع فضاوتي رح اقراه (ما تفكرني يا لطيف فطحل .. قلت ع فضاوتي) بجوز يعجبني و بجوز لا بي اس: كيف صار انفك؟ عم ينازع .. سونا طمنتني .. شفت ولا لسا ميرسي عالاستفقادة
على فكرة أهم شي.. أنو ما ضروري يكون الكتب ببيض الوش
يعني ممكن يكون سيء برأيك
يعني ما رح نقيمك هون من ورا طبيعة الكتب يلي بتقراها
أنا عن نفسي أي كتاب بيطلع تحت ايدي .. ع فضاوتي رح اقراه
(ما تفكرني يا لطيف فطحل .. قلت ع فضاوتي)
بجوز يعجبني و بجوز لا
عم ينازع .. سونا طمنتني .. شفت ولا لسا
ميرسي عالاستفقادة
كتاب : سمرقند
للكاتب : أمين معلوف
قريتو من زماااااااااان ..... شي 3 مرات
الكتاب بيحكي عن قصة عمر الخيام و رباعياته ..
أكيد النظرة الأول لمعظمكن حاليا .. أنو كتاب عن سيرة حياة شخصية تاريخية .. اففففف
شو هالملل
لا تحكموا عالكتاب قبل قراءته.. الكتاب أنا شفتو رائع
ما رح احكي أكتر مشان ما اخرب ع يلي لسا ما قراه قراءته
الكتاب: فايولين
الكاتبة: آن رايس
رواية امريكية بتحكي عن علاقة بتجمع بطلة القصة مع شبح شاب عازف كمان
ما بنصح حدا يقراه لأنو ما فيه أي شي يشد القارئ بس لتمضاية الوقت منيح
بس اللي بيحب موسيقا بيتهوفن وموتزارت بيلاقي بالرواية جانب نفسي مقبول
ميرسي على الموضوع وبرايي كتير مهم موضوع القراءة بس حبيت خبركم عن رواية للكاتبة غادة السمان اسم الرواية
((بيروت 75))
الرواية حلوة كتيرفينك لما تقرا فيها تلاقي الفرق الثقافي بين مجتمعين من المفروض انهم جارين وبينهم تقاسمات حضارية كبيرة يلي هنن سورية و لبنان بس لما تقرا الرواية بتعرف تماما السبب ورا هالخلافات الموجودة بيننا هلأ
فينا نقول السبب الرئيسي هو أنو بيروت هو مجتمع كبير ومتنوع وقاسي منفتح على الحضارة بقسوتها وعفويتها وجمالها
أبطال الرواية مقسمين بين سوريين رايحين على بيروت وكم واحد لبناني عم يصارعوا بالحياة الصعبة ببيروت
رواية حلوة وغنية بالأفكار وفينوا الواحد يخلصها بيوم واحد وما بتملل على مسؤوليتي
ماكتير اهتم بالروايات
من فتره قصيره خلصت كتاب (اسلام بلا مذاهب) الكتاب يحكي عن المذاهب بالمجتمع الاسلامي ويبين الاختلافات العقيديه بينهم وتاريخ المذاهب
يعني الواحد يقدر يشتريه ليزيد ثقافته بالمذاهب خاصه ازا كان بدوله متعددة الاديان والمذاهب
وازا كان لاشخص بخيل متل انس مابيحب يشتري بيحب ينزل عن طريق الانترنت بينزل الكتاب من هون
http://ia331312.us.archive.org/3/items/aslam-bla-mdhahb-alsh-ar/aslam-bla-mdhahb-alsh-ar_PTIFF.zip
هلأ عم اقراء كتاب (عودة المسيح المنتظر لحرب العراق بين النبوءة والسياسة )
الكتاب لسا ماخلصتو قريت تقريبا نصه وعندي بعض الخطوط على بعض فقرات من الكتاب
رح انسخ لكم نبذه عن الكتاب من واحد من مواقع الكتب لانه متل ماقلت لسا ماكملته كله لأحكي شو فيه وشو مافيه
تعريف الناشر: نبوءات التورات والانجيل التي هي عن ظهور محمد (ص) في سفر اشعياء وغيره. قد فسرها (بوش) ورفاقه من الطائفة (الميسيائية) على ضرب العراق وايران وغيرهما.ومؤلف الكتاب يفسر لهم التفسير الصحيح بعبارات من كتبهم التي يقدسونها. ويظهر للعالم اجمع ان اليهود كتبوا في الزبور (137) انه سوف يأتي اليوم الذي فيه يأخذون ثأرهم من ملك بابل ومن العرب.وقد صرح مناحيم بيغين بذلك وهو يعقد الصلح مع الرئيس السادات وكارتر (يا بنت بابل المخربة طوبى لمن يجازيك جزاءك الذي جازيتنا. طوبى لمن يمسك اطفالك، ويضرب بهم الصخرة) واستخدم (الميسيائية) سفر دانيال في حث الرئيس صدام حسين على الفرار.فقد قال المتحدث الرسمي للبيت الابيض قبل الحرب بأيام بانه يجب على الرئيس العراقي ان يقرأ ما كتب على الحائط ليستسلم, اذ طبقوا عليه نبوءة بيلشاصر:(منا، منا، ثقيل، وفرسين) ويعتقدون في عودة المسيح. مع ان المسيح قد قال لله تعالى: (ولست انا بعد في العالم) وقال المؤلف: ان فكرة قيام اميركا قائمة على انها مشبهة بقيم مملكة بني اسرائيل بعد خروجهم من مصر، مع موسى عليه السلام وذلك واضح من كتاب الفه جد الرئيس بوش عن حياة محمد ونشره في سنة (1831) ووصف فيه المسلمين بأبشع الصفات، وشتم فيه محمدا صلى اله عليه وسلم.
الكتاب القادم ان شاء الله (الوجه الأخر لإسرائيل :شهادة حق من إمراة يهودية)
او (اسرائيل . العراق . الولايات المتحدة)
salahvip wrote: كتاب الفه جد الرئيس بوش عن حياة محمد ونشره في سنة (1831) ووصف فيه المسلمين بأبشع الصفات، وشتم فيه محمد.
كتاب الفه جد الرئيس بوش عن حياة محمد ونشره في سنة (1831) ووصف فيه المسلمين بأبشع الصفات، وشتم فيه محمد.
ممكن اسم هذا الكتاب.
يسلمو استاز صلاح عالرابط
بس الله يكسر ايديك ما عرفت تعملو ملف وورد أو ادوب ريدر؟ هلكني وانا انقل من صفحة لصفحة
مع هيك يسلمو مرة تانية قرأت تقديم الكتاب ورح ابدا فيه المسا انشالله
كترلي من هالكتب اللي هيك
Amthanoyo wrote: salahvip wrote: كتاب الفه جد الرئيس بوش عن حياة محمد ونشره في سنة (1831) ووصف فيه المسلمين بأبشع الصفات، وشتم فيه محمد. ممكن اسم هذا الكتاب.
http://www.portsmouthbookshop.com/Book_Pages/B18xx/B1817mohammed.htm
الكتاب ترجمة سعودي للعربية واسمه (محمد مؤسس الدين الإسلامي ومؤسس امبراطورية المسلمين)
anas262 wrote: يسلمو استاز صلاح عالرابط بس الله يكسر ايديك ما عرفت تعملو ملف وورد أو ادوب ريدر؟ هلكني وانا انقل من صفحة لصفحة مع هيك يسلمو مرة تانية قرأت تقديم الكتاب ورح ابدا فيه المسا انشالله كترلي من هالكتب اللي هيك
خيو مو انا يلي رفعت الكتاب على النت
لقيت الكتاب بموقع وجبته قلت بلكي حدا حب يقراه
salahvip wrote: هلأ عم اقراء كتاب (عودة المسيح المنتظر لحرب العراق بين النبوءة والسياسة ) الكتاب لسا ماخلصتو قريت تقريبا نصه وعندي بعض الخطوط على بعض فقرات من الكتاب رح انسخ لكم نبذه عن الكتاب من واحد من مواقع الكتب لانه متل ماقلت لسا ماكملته كله لأحكي شو فيه وشو مافيه تعريف الناشر: نبوءات التورات والانجيل التي هي عن ظهور محمد (ص) في سفر اشعياء وغيره. قد فسرها (بوش) ورفاقه من الطائفة (الميسيائية) على ضرب العراق وايران وغيرهما.ومؤلف الكتاب يفسر لهم التفسير الصحيح بعبارات من كتبهم التي يقدسونها. ويظهر للعالم اجمع ان اليهود كتبوا في الزبور (137) انه سوف يأتي اليوم الذي فيه يأخذون ثأرهم من ملك بابل ومن العرب.وقد صرح مناحيم بيغين بذلك وهو يعقد الصلح مع الرئيس السادات وكارتر (يا بنت بابل المخربة طوبى لمن يجازيك جزاءك الذي جازيتنا. طوبى لمن يمسك اطفالك، ويضرب بهم الصخرة) واستخدم (الميسيائية) سفر دانيال في حث الرئيس صدام حسين على الفرار.فقد قال المتحدث الرسمي للبيت الابيض قبل الحرب بأيام بانه يجب على الرئيس العراقي ان يقرأ ما كتب على الحائط ليستسلم, اذ طبقوا عليه نبوءة بيلشاصر:(منا، منا، ثقيل، وفرسين) ويعتقدون في عودة المسيح. مع ان المسيح قد قال لله تعالى: (ولست انا بعد في العالم) وقال المؤلف: ان فكرة قيام اميركا قائمة على انها مشبهة بقيم مملكة بني اسرائيل بعد خروجهم من مصر، مع موسى عليه السلام وذلك واضح من كتاب الفه جد الرئيس بوش عن حياة محمد ونشره في سنة (1831) ووصف فيه المسلمين بأبشع الصفات، وشتم فيه محمدا صلى اله عليه وسلم. ا
ا
ما بنصح حدا فيه
الكتاب :أحد عشر دقيقة
الكاتب :باولو كويلو
الموضوع..غريب..و مو حابب احكي عنو هون بس بنصح بالكتاب بقوة..و لأي شخص بيحب يقراه..اقرا الكتاب للآخر ما توصل لنصو و تقول الله ياخد رافي شو انو بلا أدب..
كتاب ما بنصح فيه..
في بيتنا رجل
الكاتب إحسان عبد القدوس
للي بيحب انو يمضي يومين بقراءة شي ممل..و نهايتو مملة..و بلا معنى..يقرا اي شي لإحسان عبد القدوس
رافي .. ذكرتني .. رفيقتي كانت واعدتني تعيرني ياه لهالكتاب ( إحدى عشرة دقيقة) و صرلي شهر ما شفت وجها
و ع فكرة تعليقك قالوه الكل .. أنو صحي بهالرواية العيار عالي كتير .. بس بتنقرا و مانا فاضية أبدا متل بعض الروايات ذات العيار العالي
بقراها و بشوف
رغم انو العيار تقيل للي بيتطلع على هالكتاب عالماشي..بس بصراحة و بحكي عن حالي..يمكن اكتشفت كتير شغلات ما كنت بعرفها بالحياة بعد ما قريت هالكتاب..و أهم شي انو هال 11 دقيقة رغم انهن كل الحياة..بيبقى في دقيقتين لازم الواحد يعرفهن منيح..
بقلك عنهن بعد ما تقري الكتاب..
اذا حبيتي تعرفي طبعا