|
عندي فكرة جديدة على ما أظن
كل حلقة منرشح فيها أحد الأعضاء
و كل شخص بفوت بقلنا كيف بيتخيل شكل المرشح الحقيقي
لو ما مفكر كيف بيتخيلو من قبل .. فينو بلحظة يفكر فيه و بشخصيتو هون و يتخيل شكلو عالواقع كيف
يعني أنا مثلا عندي صار تخيل لعدة أعضاء هون إذا صفنت شوي
يحق للعضو المرشح أن يوقف الحديث عنه .. عندما يدخل لأول مرة أون لاين و يرى اسمه
و يسقط حق الإيقاف في المرات اللاحقة
و الفسديات كتار إذا غش... لاقطينك لاقطينك ما تحاول تغش
لا يحق للشخص يلي بيعرف شكل المرشح عالواقع أنو يعطي صفات عنو إلا بموافقة العضو المرشح
و في حال عدم موافقة المرشح فينو يقلنا كيف كان متخيلو قبل ما يعرفو .. أو يأنكل عليه بالمزح فقط
لأنو متل ما لاحظت فيه ناس هون بتعرف بعضها
يسمح بالأنكلة و المزح على طول الحلقة ... في حال سقط حق إيقاف المرشح للحديث عنه
يستبدل المرشح كل ما اجتمع عدد كافي من الردود .. أو مرت أيام عدة
و سأعلن للمرشح القديم انتهاء حلقته .. حيث بإمكانه انتقاء المرشح الجديد
في حال مر يوم و ما نقى مرشح جديد.. رح اضطر شخصيا اتدخل و نقيه
يجبر المرشح الذي استفاد من صلاحية إيقاف الحديث عنه .. انتقاء المرشح الجديد
و إلا يعتبر إيقافه لاغيا
اي صبايا و شباب .. ارجعوا اقروا الشروط .. و خلونا نبلش
جمع الزمان فكان يوم لقاك
|